Planvenguts suu canau gascon deu servidor IRC de Gasconheart

Un hialat sociau en gascon. Un hialat sociau au torn de la lenga gascona, en gascon e autas lengas. Ua communautat IRC per los qui aiman la lenga e la cultura gascona. Léger sus l’IRC (en francés). Si no sabetz pas utilisar un client IRC, escrivetz-me, gasconheart@tilde.club, que’vs pòdi ensenhar. Si non parlatz pas gascon que seratz planvenguts totun. Aciu la lenga n’ei pas ua condicion.

La paciéncia qu’ei un element clau ent’estar un usancièr competent d’IRC. Aver aciu, sus aquesta medisha pagina, ua platafòrma web entà’vs conectar a l’IRC qu’ei ua ajuda reala, mes au medish temps que pòt encoratjar comportaments frustrants: l’usancièr que pòt entrar hèra aisidament au canau, sonque tà véder que non i a pas activitat, que se’n va, e que i a l’escadença que non tòrne pas jamés.

N’ei pas aquesta l’etiqueta tradicionala sus l’IRC. S’ètz navèth, acostumatz-ve dab aquestas nòrmas. L’usancièr que cau que sàpia aténer quan entra au canau. Que’u cau aténer dinc’a çò qu’entre un operator o autes usancièrs. En aqueste sens, ua entrefàcia web n’ei pas ua ajuda reala. Los usancièrs competents d’IRC qu’utilisan ua aplicacion especialisada (un client IRC), qui tribalha minimisada o en l’arrèrplan, e que la se pòt deishar ubèrta quitament tot lo temps — coma lo Skype o lo WhatsApp, tà mentàver exemples coneishuts. Que i a clients IRC per Windows, Android, Mac OS, Linux, OpenBSD, NetBSD, Solaris, AIX7, e plan d’autes sistèmas operatius.

Que v’encoratgi a v’installar un client IRC. Demanatz-me, jo que poish v’indicar quin client ve s’adequa miélher, e que’vs poish ajudar a l’installar. Jo personalamente qu’èi experiéncia dab Linux, mes que poish v’ajudar tanben dab las autas platafòrmas. Escrivetz-me a gasconheart@ttm.sh.


Aqueste servidor qu’estó creat dab Linux, Vim, pandoc, UnrealIRCd, Nginx e Mibbit. Lo fichièr css qu’estó manlevat deu Tilde Club.